Við ætlum að syngja með í fjöldasöng á fimmtudagskvöldinu síðan verða æfingar á föstudeginum og verða bæði sungin lög fyrir barnakóra, stúlknakóra og blandaða kóra. Á föstudagskvöldið er meiningin að halda grillveislu við Borgarhólsskóla en hafa síðan tónleika á laugardagseftirmiðdag.

Ég minni á tölvupóstinn minn og vona að þið sem einu sinni voruð vinkonur í kór á Húsavík látið heyra í ykkur. Kveðja Hóffý.

Ég stefni að því að halda kóramót á Mærudögum á Húsavík næsta sumar vegna 30 ára kórstjórnarafmælis míns. Það er von mín að sem allra flestar stelpur sem sungið hafa í kórum hjá mér komi og heimsæki gamla bæinn okkar. Taki þátt í kóramótinu og þeim skemmtunum sem Mærudagar hafa upp á áð bjóða. Þar sem ég hef ekki verið nógu dugleg að halda dagbók um allar kórferðirnar sem við höfum farið í þá væri gott að áhugasamir skrifuðu mér á netið því gaman væri að fá kellur frá sem flestum ferðum. Það er einhvern veginn þannig að þegar maður er kominn á sextugsaldurinn þá fer það sem skeð hefur að skipta meira og meira máli. Ég á sem betur fer bara góðar minningar eftir í huganum um allt þetta kórastarf en sjálfsagt hef ég allt of oft öskrað á ykkur og þarf ég að biðja fyrirgefningar á því. Í mínum huga sungu kórarnir best þegar við fórum til Þýskalands en það var árið 1997. Svo var líka frábær árangur á kóramóti á Akureyri en þá var Aðalheiður Þorsteinsdóttir í kórnum. Hún ætlar einmitt að koma og spila með okkur. Það er allt í lagi þó þið hafið ekki verið að syngja eftir að þið komuð á fullorðinsár. Látið það ekki á ykkur fá ef áhugi er fyrir hendi á að koma og heimsækja Víkina þá endilega látið vita. Netfang mitt er hoffy@visir.is Það eru nokkrir hugrakkir drengir sem hafa tilheyrt barnakórastarfseminni. Síðastur var Hjálmar Bogi Hafliðason. Síðan var kórnafninu breytt í Stúlknakór. Að sjálfsögðu eru þessir fáu karlar velkomnir. Hóffý

Sungið á jólatónleikum í Húsavíkurkirkju árið ?

Barnakór Akureyrarkirkju árið ?

I´m a woman 1998

Stúlknakór Húsavíkur á ferðalagi í Reykjavík vor 2003

1977-1978?